غناء دوِيتّو - توزيع حديث بالذكاء الاصطناعي AI Remix
تحية خاصة للفنان محمد عفيفي في ذكرى ميلاده 2026
يا زايد في الحلاوة عن أهل حيّنا
ما تبطّل الشقاوة وتعالى عَندِنا
ما تبطّل الشقاوة وتعالى عَندِنا
أشوف حُسنَك أسَمّي عليك من الحسد
لا مرّة بتيجي يَمّي ولا مرّة باتقَصَد
والاغي فيك وادادي وأقٌربها الليلة دي
ناديت لك والقساوة معاك مِتمكِّنة
ما تبطّل الشقاوة وتعالى عندنا
يا زايد في الحلاوة عن أهل حيّنا
بتمشي في العصاري بتسحِر مين رأَى
واقول من كُتر ناري ما تعطف يوم بقى
أمانة تكون حنيّن وخلي الصعب هيّن
تعالى دي الطراوة في العصر حنيِّنة
ما تبطّل الشقاوة وتعالى عندنا
يا زايد في الحلاوة عن أهل حيّنا
يا جارنا في المساكن وغايب عننا
بتزيد في التُقل لكن مِسيرنا لبعضِنا
يا قاسي وانت جارنا تعالى يوم وزورنا
يا غالي والغلاوة عشان جار الهنا
ما تبطّل الشقاوة وتعالى عَندِنا
يا زايد في الحلاوة عن أهل حيّنا
روابط

ليست هناك تعليقات:
إرسال تعليق